काठमाडाैँ । नक्कली भुटानी शरणार्थी प्रकरणका अभियुक्त बेचन झालाई प्रहरीले पक्राउ गरेको छ। सो प्रकरणमा फरार रहेको झालाई शुक्रबार नेपाल भारत सिमाक्षेत्रबाट पक्राउ गरिएको प्रहरी प्रधान कार्यालयले जनाएको छ ।
नेपालीलाई शरणार्थी बनाएर अमेरिका पठाउन खोज्नेहरूबाट झाले दुई करोडको चेक लिएको प्रहरी अनुसन्धानमा देखिएको छ । उनले धापासीका रामशरण केसीसँग दुई करोडको चेक लिएको प्रहरी अनुसन्धानमा देखिएको छ ।
उनी अहिले जिल्ला प्रहरी परिसर काठमाडौँको नियन्त्रणमा रहेको बताइएको छ । झाबारे जिल्ला प्रहरी कार्यालय काठमाडौँले दोस्रो चरणको अनुसन्धान गरिरहेको बताइएको छ ।
त्यस्तै प्रहरीले सोही प्रकरणमा शुक्रबार नै पूर्वगृहमन्त्री रामबहादुर थापा बादलका छोरा प्रतीक थापालाई पक्राउ गरेको थियो।
असार १५, २०८१ ०१:४१ मा प्रकाशित
