काठमाडौँ । राष्ट्रिय स्वतन्त्र पार्टीका सभापति रवि लामिछानेलाई आज पोखराबाट काठमाडौँ ल्याइदैछ । लामिछानेलाई साँझ ५ः३० को फ्लाइटमाफर्त काठमाडौँ ल्याउन लागिएको रास्वपाका केन्द्रीय सदस्य एवं सहकोषाध्यक्ष दीपक बोहराले जानकारी दिए ।
‘रास्वपा सभापति रवि लामिछानेलाई अहिले ५ः३० बजेको उडानबाट काठमाडौं ल्याइँदै छ। म त्रिभुवन अन्तर्राष्ट्रिय विमानस्थलतर्फ जाँदैछु’, बोहराले भने ।
उनलाई अहिले पोखरा अन्तराष्ट्रिय विमानस्थलमा ल्याईसकिएको छ ।
लामिछानेलाई सहकारी ठगीमा अनुसन्धान गर्न कात्तिक २ गते काठमाडौँबाट पक्राउ गरी पोखरा लगिएको थियो । त्यसपछि उनीविरुद्ध संगठित अपराध र सम्पत्ति सुद्धिकरणमा समेत अनुसन्धान भईरहेको छ । उनलाई कास्की जिल्ला अदालतले ५ पटक म्याद थप गरिसकेको छ । यो बिचमा उनीविरुद्ध रुपन्देही, चितवन र काठमाडौँबाट पनि पक्रउपुर्जी जारी भएको छ । उनलाई रुपन्देही लगेर बयान गराईसकिएको छ भने अहिले काठमाडौँ ल्याउन लागिएको हो ।
उनलाई काठमाडौँको स्वर्णलक्ष्मी सहकारीको रकम अपचलनबारे अनुसन्धान गर्न काठमाडौँ ल्याउन लागिएको हो ।
