काठमाडाैँ । मलेसियाको क्वालालम्पुरमा हुने सेपाकताक्रो विश्वकपमा सहभागी हुने नेपाली राष्ट्रिय सेपाकताक्रो टिम बिदाई भएको छ । युवा तथा खेलकुद मन्त्री विराज भक्त श्रेष्ठले उनीहरुलाई बिदाई गरेका हुन् ।
बिदाई समारोहमा सहभागी हुँदै मन्त्री श्रेष्ठले नेपालको प्रतिनिधित्व गर्ने टिमलाई आत्मविश्वासी प्रदर्शन सहित उच्च प्रदर्शन गर्न शुभकामना दिए। रोशन तामाङको कप्तानीमा रहने नेपाली टिममा दीपेश जङ्ग थापा, उमेश बहादुर महतो, अनिल जार्गा मगर, विजय महतो र पदम बहादुर थाडा मगर रहेका छन। प्रशिक्षकमा श्याम बहादुर श्रेष्ठ, टिम म्यानेजरमा नेत्र प्रसाद गुरुङ्ग र अन्तराष्ट्रिय टेक्निकल अफिसरमा नेसिर मास्के रहेका छन।
शनिबारदेखि सुरू हुने विश्वकपमा कुल २१ राष्ट्रको सहभागीता रहनेछ। नेपाल डिभिजन वानमा रहेको छ। जहाँ कुल ९ राष्ट्रबीच प्रतिस्पर्धा हुनेछ। प्रिमियरमा भने १२ राष्ट्र रहेका छन।
