२१ भदौ, काठमाडौं । राष्ट्रिय स्वतन्त्र पार्टीकी सांस सुमोना श्रेष्ठले कान्ती बाल अस्पतालमा पालो नपाएर बालिकाको मृत्यु भएको घटना सिस्टमको असफलताका कारण भएको बताएकी छन् । प्रतिनिधिसभा बैठकको विशेष समयमा बोल्दै उनले अस्पतालका डाईरेक्टरको नियुक्ती राजनीतिक हुन्छ कि क्षमताले हुन्छ भन्दै प्रश्न गरेकी छिन् ।
उनले भनिन्, ‘कान्ती बाल अस्पतालमा जे भयो त्यो हाम्रो सिस्टमको असफलता हो । जैले पनि क्षतिपुर्ती दिने, ठूलो भाषण गर्ने, थामथुम गर्ने तर यस्तो अवस्था आउन नदिन सार्थक प्रयास नगर्ने । आफूभित्र पनि हेर्नुप¥यो नी, भागबण्डाको आधारमा डाईरेक्टर अपोन्ट(नियुक्त) हुन्छ कि क्षमताको आधारमा ? म सभामुखमार्फत प्रश्न सोध्न चाहन्छु अर्थमन्त्री ज्यू र स्वास्थ्यमन्त्री ज्यूलाई, कान्तीमा ६८ प्रतिशत नर्सिंङ जनशक्तीको अभाव देखाइएको छ यो सही हो ? डिजास्टर कल भयो कि भएन ड्युटीमा नभएका जनशक्तिलाई बोलाउन ? बिरामी स्टेबल गरेर ५०० मिटर पर रहेको टिचिङ अस्पतालको सहयोग लियो कि लिएन ? राजधानीमा प्राथमिक उपचार केन्द्रहरुको अवस्था के छ ? फ्रि हस्पिटल केयरको स्थिती के छ ? एम्बुलेन्समा पारामेडिक छ कि छैन ? त्यो स्लाइन पानी चढाएर बचाउन सकिने बिरामीले पनि मर्नुपर्ने ?’
केही दिनअघि कान्ती बाल अस्पतालमा एक बालिकाको इमर्जेन्सीमा २ घण्टा कुर्दा पनि उपचार पाउन नसकेपछि मृत्यु भएको थियो ।
