काठमाडाैँ । नागरिकता किर्ते प्रकरणमा पक्राउ परेका कान्तिपुरका अध्यक्ष कैलाश सिरोहियालाई थप ३ दिन हिरासतमा राख्न अदालतले अनुमति दिएको छ । दोहोरो नागरिकता लिएको अभियोगमा मंगलबार पक्राउ परेका सिरोहियालाई अनुसन्धानका लागि थप ३ दिन हिरासतमा राख्न जिल्ला अदालत धनुषाले अनुमति दिएको हो ।
सिरोहियाविरुद्ध नागरिकता किर्तेमा बैशाख १६ गते जाहेरी परेको थियो । जिल्ला प्रहरी कार्यालय धनुषामा उनीविरुद्ध नागरिकता किर्तेमा जाहेरी दर्ता भएको हो ।
सिरोहियालाई पक्राउ गर्न धनुषा जिल्ला अदालतले मंगलबार प्रहरीलाई अनुमति दिएको थियो । जिल्ला अदालत धनुषााका न्यायाधीश चित्रबहादुर गुरुङको इजलासले नागरिकता प्रकरणमा सिरोहियाका नाममा पक्राउ पुर्जी जारी गर्न प्रहरीलाई अनुमती दिएको थियो । अदालतको अनुमतीपछि पक्राउ गरेर धनुषा पुर्याइएका उनीविरुद्ध अनुसन्धान गर्न म्याद थप गरिएको हो ।
