काठमाडाैँ । नेपाल पत्रकार महासंघका अध्यक्ष विपुल पोखरेलले नेपालको संविधानमा उल्लेख भएको पूर्ण प्रेस स्वतन्त्रता कुण्ठित गर्ने काम हुन थालेको भन्दै चिन्ता व्यक्त गरेका छन् ।
मंगलबार काठमाडौँमा आयोजित एक कार्यक्रममा पोखरेलले समाचार हटाउने र पत्रकारलाई फौजदारी मुद्दा चलाउने कदम संविधान विपरित भएको बताए । सिधाकुरा डट कम माथि सर्वोच्च अदालतबाट जारी आदेशले नेपालको संविधानमा उल्लेख भएको पूर्ण प्रेस स्वतन्त्रता कुण्ठित गर्न लागेको आशंका उब्जेको उनले बताए । ।
नेपाली पत्रकारहरुलाई राज्यका तीनवटै अंगले प्रेस स्वतन्त्रता खोस्न सक्रिय भएको उनले बताए । अध्यक्ष पोखरेलले प्रेस स्वतन्त्रताको रक्षाको लागि जस्तोसुकै संघर्ष गर्न पनि तयार रहेको र अदालतले आफ्नो कदम सच्याउनेमा विश्वास रहेको बताए ।
त्यस्तै कार्यक्रमका सहभागीहरुले संविधानको पालना सहितको प्रेस स्वतन्त्रता उपभोग गर्न सबै स्वतन्त्र भएको बताएका छन् ।
