काठमाडाैँ । नेकपा एमालेका प्रमुख सचेतक महेश बर्तौँलाले पाँचथरको विष्फोट घटनामा बिषयमा सरकारको जवाफ माग गरेका छन् ।
सोमबार प्रतिनिधिसभा बैठकको आकस्मिक समयमा बोल्दै बर्तौलाले पाँचथरमा फेलापरेको बेवारिसे बम विस्फोट हुँदा दुई जनाको मृत्यु भएको घटनाका बिषयमा गृहमन्त्रीले सदनलाई जवाफ दिनुपर्ने बताए । द्वन्द्वको समयमा छाडिएको बम विस्फोट भएको कुरा आइरहदा त्यसको जिम्मेवारी कस्ले लिने भन्दै उनले प्रश्न गरे । पाँचथरको विष्फोट घटना निकै दुखद भएको भन्दै सरकारले गम्भीरताका साथ अनुसन्धान गर्नुपर्ने देखिएको उनले बताए ।
केहिदिन अघि पाँचथरको फालेलुङ गाउँपालिका–५, डाँडागाउँमा बेवारिसे बम विस्फोट हुँदा दुई वर्षीया प्रिन्सा साँवा र ११ वर्षीय दिपसन साँवाको मृत्यु भएको थियो भने दुई जना घाइते भएका छन् ।
भाद्र २४, २०८१ ०२:३४ मा प्रकाशित
