दैलेख । दैलेख बजारमा आगलागी भएको छ । विद्युत सर्ट भएर नारायण नगरपालिका–१ स्थित साजन मोटरसाइकल वर्कसपबाट आगो सल्किएको हो । आगो मोटर ग्यारेज र सँगै जोडिएको सम्झना फोटो स्टुडियो पूर्णरुपमा जलेका छन् ।
आगलागी नियन्त्रणका लागि नेपाली सेना, नेपाल प्रहरी र सशस्त्र प्रहरीको परिचालन गरिएको जिल्ला प्रहरी कार्यालय दैलेखका नायब प्रहरी उपरिक्षक सुनिल दाहाले बताए । घटनास्थलमा दमकलसमेत पुगिसकेका कारण आगो नियन्त्रणको प्रयास भइरहेको प्रहरीले जनाएको छ ।
आगो नियन्त्रणमा आइनसकेका कारण क्षतिको विवरण आउन नसकेको प्रहरीको भनाइ छ ।
वैशाख २५, २०८१ ०३:२२ मा प्रकाशित
