१३ भदौ, धनुषा । जनकपुर उपमहानगरपालिकाले एसिया कप हेर्नको लागि दिउँसो २ बजेपछि विद्यालय बन्द गर्न निर्देशन दिएको छ । उपमहानगरपालिकाले सूचना जारी गर्दै भनेको छ, ‘हाम्रो गौवशाली टिमको हौसला बढाउन र बिद्यार्थीहरुमा खेलप्रति उर्जावान भावना जागृत बनाउनका लागि २ बजेपछि कुनै पनि कक्षा सञ्चालन नगरी बिदा गरिदिनुहुन आदेशानुसार अनुरोध छ ।
दिउँसो ३ : १५ बजे एसिया कपको नेपाल र पाकिस्तानबीचको खेल सुरु हुँदैछ । जनकपुरमा खेल सुरु हुनुअघिको माहोल निकै हर्सोल्लासपूर्ण बनेको छ । युवाहरुले नेपाली टिमको समर्थनमा राष्ट्रिय झण्डा बोकेर र्याली नै निकालेका छन् ।
भाद्र १३, २०८० ०६:४६ मा प्रकाशित
