काठमाडौँ । राष्ट्रिय स्वतन्त्र पार्टीका सभापति एवम् निलम्बित सांसद रवि लामिछानेले सभामुख देवराज घिमिरेसँग भेट गर्ने भएका छन् ।
आजबाट संसद्को हिउँदे अधिवेशन सुरु हुने र अधिवेशन सुरु हुनुपूर्व सभामुखसँग सभापतिले भेट गर्ने तयारी रहेको रास्वपाकी कार्यवहाक प्रवक्ता प्रतिभा रावलले बताइन् । ‘समापतिज्यूले सभामुखसँग भेटघाट गर्ने कार्यक्रम तय भएको छ । संसद सुरु हुनु अगावै भेट गर्ने तयारी छ ।’, रावलले बताइन् ।
भेटमा लामिछानेले आफूमाथि गरिएको निलम्बन र समसामयिक विषयवस्तुलाई लिएर छलफल गर्ने बताइएको छ ।
सभापति लामिछानेलाई पोखराको सुर्यदर्शन सहकारी प्रकरणमा अदालतमा मुद्दा दर्ता भएसँगै सांसद पदबाट निलम्बन गरिएको थियो ।
माघ १८, २०८१ ११:५२ मा प्रकाशित
