काठमाडौँ । बिपक्षी दलहरुले सरकारले ल्याएको अध्यादेश अस्वीकार गर्ने निर्णय गरेका छन् ।
माओवादी संसदीय दलको कार्यालय सिंहदरबारमा बिहीबार बसेको बिपक्षी दलहरुको बैठकले सरकारले विधि र प्रक्रियाभन्दा बाहिर गएर अध्यादेश ल्याएको भन्दै अस्वीकार गर्ने निर्णय गरेको माओवादी केन्द्रका प्रमुख सचेतक हितराज पाण्डेले जानकारी दिए । सदन बोलाउने बेलामा अध्यादेश ल्याउनु प्रक्रियागत हिसाबले समेत गलत भएको उनको भनाई छ ।
त्यस्तै सुशासन, जनजिविकाका बिषयमा पनि सदनमा गम्भीर ढंगले उठान गर्ने निर्णय भएको उनले बताए । उनले सदनका साथै आवश्यक परे सडक आन्दोलनसमेत गर्ने बिषयमा छलफल भएको उल्लेख उल्लेख गरे ।
बैठकमा नेकपा माओवादी केन्द्र, रास्वपा, नेकपा एकीकृत समाजवादी, राप्रपा, नेपाल समाजवादी पार्टी, जनमोर्चा लगाएत दलका नेताहरुको सहभागीता रहेको थियो ।
माघ १७, २०८१ १२:५५ मा प्रकाशित
