काठमाडौँ । इलाम– २ को उपनिर्वाचनमा राष्ट्रिय स्वतन्त्र पार्टी (रास्वपा)का तर्फबाट उम्मेदवार बन्न ६ जनाले पार्टी भित्र उम्मेदवारी दिएका छन् ।
रास्वपाले इच्छुकहरुबिच आन्तरिकरुपमा प्राइमरी इलेक्सन गराउने र प्राइमरी इलेक्सनमा जित्ने उम्मेद्वारलाई टिकट दिने योजना बनाएको छ।
त्यसका लागि ६ जनाको उम्मेदवारी दिएको रास्वपाले जनाएको छ । प्रारम्भिक उम्मेदवारी उपरको दाबी विरोध गर्ने समय चैत १४ देखि १५ गते दिउँसो १ बजेसम्मलाई निर्धारण गरिएको रास्वपाले जनाएको छ ।
रास्वपाको केन्द्रीय निर्वाचन आयोगका अनुसार प्राइमरी इलेक्सनका लागि ५ पुरुष र एक महिलाले उम्मेदवारी दिएका छन् ।
जसमा गोकुलबहादुर राई, जमुना शर्मा, महेन्द्रकुमार थापा, मानबहादुर घिमिरे, मिलन लिम्बू र डा.शेषरमण न्यौपाने रहेका छन् ।
चैत्र १४, २०८० ०७:३१ मा प्रकाशित
