काठमाडौँ । राष्ट्रिय स्वतन्त्र पार्टीका सभापति रवि लामिछानेले फेसबुक लाइभमार्फत सार्वजनिक सम्बोधन गर्ने भएका छन् । केहीबेर अघि सामाजिक सञ्जाल फेसबुकमार्फत उनले सम्बोधन गर्ने सूचना जारी गरेका हुन् ।
उनी के विषयमा कुरा गर्न खोजेका हुन सार्वजनिक भएको छैन् । ‘आज साँझ करिब ७ बजे फेसबुक लाइभ मार्फत जोडिने छु। समय मिले तपाईं पनि जोडिनु होला’ सभापति लामिछानेले फेसबुकमा लेखेका छन् ।
सहकारीको रकम अपचलनलाई लिएर उनीमाथि अफवाहपूर्ण समाचारहरू प्रकाशित भएपछि उनले सामाजिक सञ्जालमार्फत पार्टीका कार्यकर्ता र शुभचिन्तकलाई सम्बोधन गर्न लागेको बुझिएको छ ।
आश्विन ८, २०८१ ०५:४३ मा प्रकाशित
