काठमाडौँ । सरकारले उपप्रधान एवं गृहमन्त्रीमाथि छानबिन गर्न समिति गठनको आवश्यकता नरहेको बताएको छ । बिहिबार सिंहदरबारमा बसेको मन्त्रीपरिषद् बैठकको निर्णय सुनाउने क्रममा सञ्चारमन्त्री रेखा शर्माले यस्तो बताएकी हुन् । गृहमन्त्रीमाथि उठेका प्रश्नको बारेमा प्रधानमन्त्रीले सदनमा र स्वयं गृहमन्त्रीले संसदीय समितिमा जवाफ दिइसकेकाले छानविन आवश्यक नरहेको शर्माले बताइन् ।
गृहमन्त्रीको राजीनामा माग गर्दै नेपाली कंग्रेसले निरन्तर संसद अवरुद्ध गर्दै आएको थियो । त्यसपछि प्रधानमन्त्री पुष्पकमल दाहाल प्रचण्डले सहकारी प्रकरणमा रवि लामिछानेको कतै संलग्नता नदेखिएको जवाफ दिएका थिए । त्यस्तै गृहमन्त्री लामिछानेले पनि यसबारेमा संसदीय समित तथा सार्वजनिक कार्यक्रमहरुमा निरन्तर नवाफ दिदै आएका छन् ।
चैत्र २२, २०८० ०४:१७ मा प्रकाशित
