१५ भदौ, विराटनगर - कोशी प्रदेश सरकारविरुद्धको रिटउपर अन्तिम सुनुवाइ न्यायाधीश ईश्वरप्रसाद खतिवडाले हेर्न नमानेपछि आज नहुने भएको छ ।
यसअघिको प्रारम्भिक सुनुवाइमा पनि खतिवडा रहेका कारण पूर्ण सुनुवाइ हेर्न उनले नमानेका हुन् । पूर्ण सुनुवाइको लागि शुक्रबार न्यायाधीशद्वय ईश्वरप्रसाद खतिवडा र सुष्मालता माथेमाको संयुक्त इजलासमा उक्त रिट परेको थियो ।
गत भदौ ६ गते प्रारम्भिक सुनुवाइको क्रममा न्यायाधीश ईश्वर खतिवडाको एकल इजलासले सर्वोच्चले सभाध्यक्षको मत संविधानसम्मत् नभएको भनेको थियो ।
आज कोशी प्रदेश सरकारविरुद्धको रिट खतिवडाकै इजलासमा परेकाले मुद्दा हेर्न नमिल्ने सूचीमा राखिएको हो ।
भाद्र १५, २०८० ०४:४० मा प्रकाशित
