काठमाडौँ । प्रतिनिधिसभा सदस्य एवं नेपाली कांग्रेसका महामन्त्री गगन थापाले सुन तस्करी प्रकरणमा उच्च स्तरीय छानबिन आयोगको माग गरेको भन्दै तत्कालिन प्रतिपक्षी नेकपा एमालेको तारिफ गरेका छन् । उनले त्यतिबेला एमाले आयोगको जोरदार माग नगरेको भए सुन तस्करी प्रकरण झिसमिस हुने रहेछ भन्दै एमालेलाई धन्यवाद दिएका हुन् । थापाले भने ‘शक्तिशालीलाई लुकाउने प्रपञ्च भएको रहेछ भन्ने तत्कालीन प्रतिपक्षको आशङ्का सही साबित भयो । आयोगले प्रतिवेदन बुझाएको छ । भर्खर कृष्णबहादुर महरा पक्राउ पर्नुभयो भन्ने हामीले सुन्यौँ । सरकारलाई धन्यवाद छ ।’
त्यस्तै उनले सुन छानबिन आयोगले किटान गरेको एउटा मान्छे पनि छुट्न नहुने मत राखेका छन् । उक्त काममा आफूहरुको पूर्ण साथ हुने उनले प्रतिबद्धता समेत जनाए ।
चैत्र ५, २०८० ११:४९ मा प्रकाशित
