संकल्प यात्रामा रहेका नेकपा एमालेका अध्यक्ष केपी शर्मा ओलीमाथि मुक्का प्रहार भएको छ ।
मध्य पहाडी राजमार्गमा संकल्प यात्रामा रहेका ओलीमाथि धनकुटामा एक युवकले मुक्का प्रहार गरेका हुन् ।
संकल्प यात्राकै क्रममा भोजपुरबाट धनकुटा प्रवेश गरेका ओलीमाथि महालक्ष्मी नगरपालिका ५ लेगुवामा मुक्का प्रहार भएको हो । मुक्का प्रहार गर्नेमा स्थानीय महेश राई रहेका छन् ।
ओलीको स्वागतका लागि लाइनमा रहेका राईले मुक्का प्रहार गरेपछि उनलाई प्रहरीले पक्राउ गरेको छ ।
प्रहरीका अनुसार उनले मादक पदार्थ सेवन गरेको पाइएको छ ।
मंसिर २८, २०८० ०९:३६ मा प्रकाशित
