नेपाल राष्ट्रिय क्रिकेट टिमका फास्टबलर सोमपाल कामीले ५० विकेटको सफलता हात पारेका छन ।
आइसीसी टी–२० विश्वकप एसिया क्षेत्र छनोट फाइनल अन्तर्गत ओमानविरुद्ध कीर्तिपुरमा जारी खेलमा दुई विकेट लिएसँगै उनले कुल ५० विकेट पूरा गरेका हुन् । बिहिबार भएको खेलमा २ विकेट जोड्दै ५० विकेट बनाएका उनी नेपालका तर्फबाट ५० विकेट पूरा गर्ने चौथो खेलाडी बनेका छन् ।
ओमानविरुद्धको खेलमा उनले शायव खान र अकिब इलियासलाई आउट गराउँदै २ विकेट जोडेका थिए ।
नेपालका तर्फबाट यसअघि नै सन्दीप लामिछाने, करण केसी र अभिनाश बोहराले ५० विकेट पूरा गरेका थिए ।
कार्तिक १६, २०८० ०२:४१ मा प्रकाशित
