धरान उपमहानगरपालिकाका उपमेयर आईन्द्र विक्रम बेघाका भाइमाथि खुकुरी प्रहार भएको छ । धरान १५ सुर्यवस्तीमा बेघाका भाइ विष्णु बेघामाथि खुकुरी प्रहार भएको प्रहरीले जनाएको छ ।
विष्णुमाथि १५ देखि २० जनाको समूह आएका युवाहरूले घरमै आएर खुकुरी हानेको उपमेयर बेघाले बताए । धरान १५ मा रहेको उपमेयर बेघाको घरमै प्रवेश गरेर युवाहरुको समूहले भाइ विष्णुमाथि खुकुरी प्रहार गरेका थिए । खुकुरी प्रहारबाट बेघाको देब्रेपट्टीको गालामा चोट लागेको छ ।
धरान इलाका प्रहरी कार्यालयका डीएसपी नवराज मल्लका अनुसार घटना के कारणले भएको हो भनेर अनुसन्धान भइरहेको छ ।
उपमेयर बेघाले भने प्रहरी सेवा चुस्तदुरुस्त हुन नसकेको गुनासो गरेका छन् ।
उनले इलाका प्रहरी कार्यालयका डिएसपी नवराज मल्ललालाई फोन गर्दा पनि प्रहरी समयमा नआएको गुनासो गरेका हुन् ।
भाद्र २६, २०८० ११:४३ मा प्रकाशित
