काठमाडाैँ । बचतकर्ताको ६ अर्ब रकम हिनामिना गरेको आरोप लागेका लालीगुराँस बहुउद्देश्यीय सहकारी संस्थाका प्रमुख कार्यकारी अधिकृत सुरेन्द्र भण्डारी पक्राउ परेका छन् ।
ललितपुर पुल्चोकमा रहेको उक्त सहकारीका सीईओलाई शुक्रबार राति उपत्यका अपराध अनुसन्धान कार्यालयको टोलीले काठमाडौंको विशालनगरबाट पक्राउ गरेको हो । उनी अहिले उपत्यका अपराध अनुसन्धान कार्यालयको हिरासतमा छन् ।
२०८० फागुन २९ गते भूमि व्यवस्था, सहकारी तथा गरिबी निवारण मन्त्रालयले उक्त सहकारीलाई समस्याग्रस्त सहकारी घोषणा गरेको थियो ।
असार १५, २०८१ ०२:११ मा प्रकाशित
