काठमाडौं । विभिन्न कारण रिक्त बनेका ३ स्थानीय तहका ३९ पदमा आगामी मंसिर १६ गते उपनिर्वाचन हुने भएको छ। आइतबार बसेको मन्त्रिपरिषद्को बैठकले रिक्त पदमा आगामी मंसिर १६ गते उपनिर्वाचन गर्ने निर्णय गरेको हो ।
सरकार प्रवक्ता एवं सूचना तथा संचारमन्त्री पृथ्वीसुब्बा गुरुङले निर्वाचन आयोगले आइतबार मात्रै सरकारलाई आगामी मंसिर १६ गते उपनिर्वाचन गर्नका लागि दिएको सुझाव अनुसारनै मिति तोकिएको बताए ।
अहिले काठमाडौंको कीर्तिपुर नगरपालिका तथा मोरङको ग्रामनाथ र दैलेखको महाबु गाउँपालिकाको प्रमुख पद रिक्त छ भने दोलखाका गौरीशंगर, कालीकोटको नलगाड र डोल्पाको त्रिपुरासुन्दरी गाउँपालिकाको उपप्रमुख पद पनि रित्त रहेको छ ।
यस्तै रुकुम पुर्वको पुथा गाउँपालिककी उपप्रमुख भुपेन्द्र बुढाको शुक्रबार मात्र सवारी दुर्घटनामा निधन भएको छ । उक्त स्थानमा पनि मंसिर १६ मै उपनिर्वाचन गर्ने सरकारको तयारी रहेको छ ।
