प्रधानमन्त्री पुष्पकमल दाहाल ‘प्रचण्ड’ले सबलीकरण गरी पुनःनिर्माण गरिएको सिंहदरबारको प्रधानमन्त्री कार्यकक्षबाट काम गर्न सुरु गरेका छन् ।
विसं २०७२ को भूकम्पले क्षति पुगेको उक्त भवनको पुनःनिर्माण सम्पन्न भएपछि बुधबार प्रधानमन्त्री प्रचण्डले सोहि भवनबाट काम गर्न सुरु गरेका हुन् ।
सो क्रममा प्रधानमन्त्री प्रचण्डले सिंहदरबारको पछिल्लो भागबाट अघिल्लो भागमा सरेको र कामको प्रकृति पनि नयाँ ढंगले अघि बढ्ने संकल्प गरेका छन् । १२० वर्ष पुरानो भवनको मूल संरचनालाई जस्ताको तस्तै राखेर भूकम्पबाट भएको क्षतिपछि रेट्रोफिटिङ पुरा भएको उनले बताए ।
त्यस्तै उनले नयाँ कार्यकक्षमा पुगेर फराकिलो कार्यस्थलले सिजर्नात्मकता बढ्नेमा विश्वाश व्यक्त गरे । उनले भने, ‘यो यसअघिकोभन्दा फराकिलो छ, यहाँ बसेर काम गर्न अलि बढी आइडिया फुर्छ होला, बरन्डाको प्रयोग पनि गर्न पाइन्छ ।’
पुननिर्माणमा सहयोग गर्ने सवैलाई धन्यवाद दिदै उनले शुभारम्भले नयाँ गति पक्रने र एकतावद्ध हुन मद्धत पुग्ने धारणा समेत राखे ।
