इलाम । इलाममा क्रूरतापूर्वक कुकुरको हत्या गरेको आरोपमा प्रहरीले ३ जनालाई पक्राउ गरेको छ ।
जिल्लाको देउमाई नगरपालिका ९ जीतपुरका २१ वर्षीय दिक्षान्त मोराहाङ लिम्बू ,१७ वर्षीय संगम लिम्बू र अशोक लिम्बूलाई आज पक्राउ गरेको जिल्ला प्रहरी कार्यालय इलामले जनाएको छ।
उनीहरूले कुकुरलाई लट्ठीले नाकमा बारम्बार हानि हत्या गरेर खाल्डोमा पुरेको भिडियो सामाजिक सञ्जालमा भाईरल भएको थियो । भिडियो बहिरिएसँगै कुकुरको हत्या गर्नेहरुको चौतर्फी आलोचना भएको थियो । कुकुरलाई हत्या गर्ने बिरुद्ध पशु कल्याण संघ नेपालले पशुपंक्षि सम्बन्धी कसुर अन्तर्गत आजै जिल्ला प्रहरी कार्यालय इलाममा जाहेरी दरखास्त दर्ता गरेको प्रहरीले जनाएको छ ।
असार ३, २०८१ ०३:५० मा प्रकाशित
