काठमाडाैँ । टी–२० विश्वकपको सुपर–८ मा बंगलादेशलाई हराउँदै अफगानिस्तान सेमिफाइनलमा प्रवेश गरेको छ। वेस्ट इन्डिजस्थित किंग्सटाउनमा आज भएको खेलमा अफगानिस्तानले बंगलादेशलाई ८ रनले पराजित गरेको हो।
टस जितेर ब्याटिङ रोजेको अफगानिस्तानले ५ विकेटको क्षतिमा ११५ रन बनाएको थियो। सो लक्ष्य पछ्याएको बंगालदेशले १७.५ ओभरमा १ सय ५ रन बनाउँदा अलआउट भएर बाहिरिएको हो ।
बंगलादेशलाई हराउँदै अफगानिस्तान सेमिफाइनलमा प्रवेश गरेसँगै सेमिफाइनलमा खेल्ने ४ टिमको टुंगो लागेको छ । गयराती भएको खेलमा अष्ट्रेलियालाई हराउँदै इन्डिया सेमिफाइनलमा प्रवेश गरेको हो ।
अब सेमिफाइनलमा अफगानिस्तानले दक्षिण अफ्रिकासँग खेल्नेछ। त्यस्तै भारतले इंग्ल्याण्डसँग खेल्नेछ।
असार ११, २०८१ ११:५२ मा प्रकाशित
