भक्तपुरको काैशलटारमा फेला परेको चितुवा नियन्त्रणमा लिइएको छ ।
डिभिजन वन कार्यालय काठमाडौँको टोलीले डार्ट प्रयोग गरी चितुवालाई नियन्त्रणमा लिएको हो ।
मध्यपुरठिमी– ३ कौशलटारस्थित एक घरको परिसरमै छिरेर कुनामा लुकेर बसेको चितुवालाई नियन्त्रणमा लिएर डिभिजन वन कार्यालय भक्तपुर लगिएको छ । त्यहाँबाट पत्र बनाएर उक्त चितुवालाई चिडियाखाना लगेर स्वास्थ्य जाँच गर्ने र स्वास्थ्य अवस्था सामान्य भए जंगलमा लगेर छोडिने भएको छ ।
उक्त चितुवाले स्थानीयलाई आक्रमण गर्दा २ स्थानीय घाइतेसमेत भएका छन् । शहरको मध्यभागमा चितुवा कहाँबाट आयो भन्ने विषय भने खुलेको छैन ।
कार्तिक २४, २०८० ०५:०१ मा प्रकाशित
