काठमाडौँ । काठमाडौंबाट नयाँ दिल्ली उड्न लागेको एयर इन्डियाको विमानका बम राखेको सूचना गलत भएको पुष्टि भएको छ । पौने ३ बजेको उडान तालिका रहेको एयर इन्डियाको जहाजका बम रहेको सूचना आएपछि सर्च अपरेसन चलाइएको थियो । सो क्रममा कुनै पनि शंकास्पद वस्तु नभेटिएको प्रहरीले जनाएको छ । शंकास्पद वस्तु नभेटिएपछि जहाज उडान भर्ने तयारी गर्दैछ ।
एयर इन्डियाको उक्त जहाजमार्फत १५९ जना दिल्ली उड्दै थिए । बमको सूचनापछि अहिले विमानस्थल केही प्रभावित भएको थियो ।
यसअघि पनि कात्तिक ६ गते भारतको नयाँ दिल्लीबाट उडेको भिस्तारा एयरलाइन्सको जहाजमा बम रहेको सूचना आएको थियो। दिउँसो साढे ४ बजे काठमाडौँमा ल्यान्ड भएको जहाज दिल्लीबाट उडेको १ घण्टामै बम रहेको सूचना पछि नेपाली सेनाले त्यसको जाँच गरेको थियो । जाँचका क्रममा केही पनि नभेटिएपछि जहाजलाई खतरामुक्त प्रमाणित गरी उडान गराइएको थियो ।
