काठमाडौं । काठमाडौंमा जारी काठमाडौंमा जारी त्रिकोणात्मक टी २० श्रृंखलाको फाइनलमा उपाधिका लागि नेपाल र यूएईले आज प्रतिस्पर्धा गर्दैछन् । आज बिहान ११ बजेदेखि कीर्तिपुरस्थित त्रिवि मैदानमा खेल हुने छ ।
नेपाली टोलीले समूह चरणका ४ वटै खेल जितेर फाइनलमा पुगेको हो । लिग चरणमा यूएईलाई ७ र ५ विकेट तथा हङकङलाई ६ विकेट र ७९ रनले हराउँदै फाइनलको यात्रा तय गरेको थियो ।
यूएईले भने लिग चरणको एक खेल मात्र जितेको थियो । हङकङसँग फराकिलो हारका बाबजुद रनरेटका आधारमा यूएईले फाइनलमा स्थान बनाएको हो ।
हालसम्म नेपाल र यूएईले एकअर्काविरुद्ध ७ खेल खेलेका छन् । जसमा नेपालले ४ र यूएईले ३ खेल जितेको छ ।
कार्तिक १०, २०८० १२:३१ मा प्रकाशित
