कीर्तिपुर । कीर्तिपुर बस दुर्घटनामा परि प्राध्यापकको मृत्यु भएको छ । कीर्तिपुर–रत्नपार्क चल्ने बा ३ ख २०२७ नम्बरको यात्रुबाहक बस दुर्घटना हुँदा त्रिभुवन विश्वविद्यालयका प्रा.डा. गोविन्द रिजालको मृत्यु भएको हो । रिजाल त्रिविमा कृषि अध्ययन संस्थाका आंशिक प्राध्यापकका रूपमा कार्यरत थिए ।
कीर्तिपुर आयुर्वेदिक अस्पताल अगाडि भएको बस दुर्घटना परि ४२ वर्षीय रिजालको मृत्यु भएको काठमाडौँ उपत्यका प्रहरी कार्यालयका प्रवक्ता, वरिष्ठ प्रहरी उपरीक्षक दिनेशराज मैनालीले जानकारी दिए ।
उनका अनुसार आज २ः४५ बजे भएको उक्त दुर्घटनामा गम्भीर घाइते भएका रिजालको कीर्तिपुर अस्पतालमा उपचारका क्रममा अपराह्न मृत्यु भएको हो । अन्य तीन घाइतेको उपचार भइरहेको छ । घाइते हुनेहरुमा बैतडी घर भई कीर्तिपुर बस्ने वर्ष २४ का डम्बर पन्त, वर्ष २४ की बिमला श्रेष्ठ र बसका चालक वर्ष २७ का रमेश लामा छन् ।
लामालाई थप उपचारका लागि ट्रमा सेन्टर ल्याइएको छ ।
