२० असोज, विराटनगर । कोशी प्रदेशका मुख्यमन्त्री हिक्मतकुमार कार्कीले विश्वासको मत नपाउने भएपछि राजीनामा दिने भएका छन् ।
मुख्यमन्त्रीले विश्वासको मत लिनका लागि आज शनिबार प्रदेशसभा बैठक बोलाइएको थियो ।
विश्वासको मत लिनुअघि बसेको एमाले संसदीय दलको बैठकले राजीनामा दिने निर्णय गरेको एमाले प्रमुख सचेतक रेवतिरमण भण्डारीले जानकारी दिए ।
संविधानको धारा १६८ को उपधारा ३ अनुसार नियुक्त भएका मुख्यमन्त्रीले विश्वासको मत नपाए उपधारा ५ अनुसार नेतृत्वमा दाबी गर्न नपाउने भएपछि कार्की विश्वासको मत परीक्षण गर्न तर्फ लागेनन् ।
आश्विन २०, २०८० ०७:०८ मा प्रकाशित
