काठमाडौँ । भोजपुरमा स्कार्पिओ दुर्घटना हुँदा एक जनाको मृत्यु, ९ जना घाइते भएका छन् । भोजपुर नगरपालिका–५ डाडाँटोलमा भएको दुर्घटनामा परि १ जनाको मृत्यु भएको हो ।
जिल्लाकै टेम्केडाँडा घुम्न जाने क्रममा प्रदेश १–०२–००२ च ६९२३ नम्बरको स्कार्पिओ अनियन्त्रित भएर सडकबाट खसेको जिल्ला प्रहरी कार्यालय भोजपुरले जनाएको छ । दुर्घटनामा परि झापाको गौरादह नगरपालिका ७ का झम्कबहादुर घलेको मृत्यु भएको प्रहरीले जनाएको छ ।
दुर्घटनामा परि घाइते भएका ३ जनाको अवस्था गम्भीर रहेको प्रहरीले जनाएको छ । उनीहरुलाई उपचारका लागि हेलिकप्टर मार्फत काठमाडौँ ल्याइएको प्रहरीले जनाएको छ ।
दुर्घटनामा घाइते भएका चालकको अवस्था भने सामान्य रहेको र उनलाई नियन्त्रणमा लिएर अनुसन्धान भइरहेको प्रहरीले जनाएको छ ।
पुस ११, २०८१ ०१:०९ मा प्रकाशित
