काठमाडौं । सत्तारुढ दलका नेताहरु एनसेलको शेयर खरिदविक्रीबारे छलफल गर्न आज पनि बालुवाटार पुगेका छन् । सोही विषयमा छलफल गर्न हिजो पनि प्रधानमन्त्रीले उच्चस्तरीय बैठक बोलाएका थिए । हिजोको बैठकले एनसेलको शेयर विक्रि शंकास्पद रहेको निष्कर्ष निकालेको थियो ।
उक्त विषयमा आज संसदीय समितिमा पनि छलफल भएको थियो ।
मलेसियन कम्पनी ‘आजियटा ग्रुप बर्हाड’ले गत एनसेलको ८० प्रतिशत शेयर स्वामित्व अर्को कम्पनी ‘स्पेक्ट्रलाइट युके लिमिटेड’लाई बेच्ने निर्णय गरेपछि यो व्यावसायिक कारोबारको कानुनी प्रक्रियाको वैधता र आर्थिक पादर्शितामाथि गम्भीर प्रश्न उब्जिएका छन् । नागरिकस्तरदेखि संसदीय समितिसम्ममा यो विषयले प्रवेश पाएको छ । यो कारोबारको वास्तविकता खोजेर जानकारी गराउन सरकार र मातहतका निकायमाथि चर्को दबाब छ ।
मंसिर २०, २०८० ०८:४६ मा प्रकाशित
