जाजरकोट केन्द्रबिन्दु बनाएर शुक्रबार राति गएको भूकम्पमा परी मृत्यु भएकाहरुको शोकमा नेपाली खेलाडीहरुले पाखुरामा कालोपट्टी बाँधेर मौनधारण गरेका छन् ।
आईसीसी टी–२० विश्वकप छनोट एसिया क्षेत्रको फाइनल खेल सुरु हुनु अघि उनीहरुले शोकमा मौनधारण गरेका हुन् ।
शुक्रबार गएको भूकम्पमा गरि मृत्यु हुनेको संख्या १ सय ५७ पुगेको छ भने १ सय ६६ जना घाइते भएका छन् ।
ओमानविरुद्ध त्रिवि क्रिकेट मैदान किर्तिपुरमा टी–२० विश्वकप छनोट एसिया क्षेत्रको फाइनल खेल भइरहेको छ ।
आज भइरहेको खेलमा नेपालले टस जितेर ब्याटिङ् रोजेको छ भने ओमानले बलिङ गरिरहेको छ ।
ओमानविरुद्धको खेलमा नेपालका एक खेलाडी परिवर्तन भएका छन् जहाँ घाइते दीपेन्द्रसिंह ऐरी स्थानमा सन्दीप जोराले खलेका हुन् ।
नेपालले सेमिफाइनलमा युएईलाई ८ विकेट तथा ओमानले बहराइनलाई १० विकेटले हराउँदै फाइनलमा स्थान बनाउँदै विश्वकपमा पुगेका थिए ।
कार्तिक १९, २०८० ०४:२२ मा प्रकाशित
