चन्द्रपुर । राष्ट्रिय स्वतन्त्र पार्टी रास्वपाले ललितपुरको बालकुमारी घटनालाई लिएर रौतहटको चन्द्रनिगाहपुरमा बिरोध प्रदर्शन गरेको छ ।
शुक्रबार कोरिया भाषा परिक्षामा आवेदन दिन पाउँ भन्दै प्रदर्शनमा उत्रिएका २ युवाहरुको प्रहरीको दमनका कारण मृत्यु भएको थियो । उक्त घटनामा ज्यान गुमाएका २ युवाको न्याय र देशमा भएका ठूला ठूला भ्रष्टाचार र बेथितिको काण्ड बारे सरकारसँग प्रश्न गर्न बिरोध प्रदर्शन गरिएको रास्वपा चन्द्रपुर नगरसभापती उदय सापकोटा सुरेनले बताए । सरकारको आडमा भएका विभिन्न भ्रष्टाचार र काण्डको बिरोध गर्न शान्तिपूर्ण आन्दोलन गरिएको सभापती सापकोटाले बताए ।
१ घण्टे बिरोध कार्यक्रममा प्रधानमन्त्री र गृहमन्त्रीको पुत्ला अगाडि राखेर ठूला काण्डका प्रश्न लेखिएका प्लेकार्ड राखेर बिरोध प्रदर्शन गरिएको थियो ।
पुस १५, २०८० ०२:०१ मा प्रकाशित
