बहस नसकिएपछि पूर्वडिआइजी छबिलाल जोशी न्यायिक हिरासतमा

काठमाडौँ । कालीमाटीस्थित स्वर्णलक्ष्मी सहकारी प्रकरणको मुद्दामा अदालत उपस्थित भएका पूर्वडिआइजी छबिलाल जोशीलाई न्यायिक हिरासतमा पठाइएको छ । जिल्ल अदालत काठमाडौँमा बहस नसकिएपछि उनलाई न्यायिक हिरासतमा पठाउने आदेश भएको हो । 

जोशीको मुद्दाको बयान तथा थुनछेक बहस न्यायाधीश ठाकुरप्रसाद खरेलको इजलासमा भएको थियो । उनी भद्रकालीस्थित काठमाडौँ प्रहरी परिसरको न्यायिक हिरासतमा रहने छन् । उनलाई सोमबार बिहान अदालत उपस्थित गराइनेछ । 

गोर्खा मिडिया नेटवर्कका तत्कालीन सञ्चालक रहेका जोशीविरुद्ध सहकारीको रकम अपचलन आरोपमा काठमाडौँको स्वर्णलक्ष्मी सहकारीको रकम अपचलन आरोपमा काठमाडौँ जिल्ला अदालतमा मुद्दा दायर भएको थियो । जसमा उनीसहित ३९ जनालाई प्रतिवादी बनाइएको छ । 

उनीहरुमाथि संगठित रुपमा ठगी गरेको अभियोगमा मुद्दा दायर भएको थियो । जोशी पोखराको सूर्यदर्शन सहकारीको रकम अपचलसम्बन्धी मुद्दामा पनि ८८ लाख रुपैयाँ धरौटीमा रिहा भएका थिए ।