बाँके । बाँकेमा २ युवालाई खुकुरी प्रहार गरेको आरोपमा वडाध्यक्षसहित ४ जना पक्राउ परेका छन् । जिल्लाको विनौनामा सन्दीप विष्ट र सुलभ मल्लमाथि खुकुरी प्रहार गरेको आरोपमा बाँकेकै राप्ती सोनारी गाउँपालिका–२ का एमालेबाट निर्वाचित वडाध्यक्ष ज्ञानेन्द्रराज वलीसहित ४ जनालाई प्रहरीले प्रक्राउ गरेको हो ।
गयराती भएको खुकुरी प्रहारबाट घाइते भएका युवाहरूको अवस्था गम्भिर भएका कारण उपचारका लागि भारत पठाइएको छ । उनीहरुलाई उपचारका लागि भारतको लखनउ रेफर गरिएको छ ।
उनीहरुमाथि गुन्डा नाइके चक्रे मिलन समूहमा आबद्ध वडा अध्यक्ष वलीसहित नारायण डाँगी, नवीन, लोके, ऋषि देवकोटा लगायतले खुकुरी प्रहार गरेको प्रारम्भिक अनुसन्धानमा देखिएको प्रहरीले जनाएको छ। सोही आरोपमा प्रहरीले उनीहरुलाई पक्राउ गरेर इलाका प्रहरी कार्यालय कोहलपुरमा राखेको छ ।
वडाध्यक्ष वली २०७९ को स्थानीय निर्वाचनमा एमालेबाट निर्वाचित भएका थिए।
