पोखरा । राष्ट्रिय स्वतन्त्र पार्टी (रास्वपा) का सभापति रवि लामिछाने विरुद्ध तीन वटा कसुरमा कास्की जिल्ला अदालतमा मुद्दा दर्ता गरिएको छ ।
जिल्ला प्रहरी कार्यालय कास्कीको अनुसन्धान प्रतिवेदनका आधारमा लामिछाने, पूर्वडिआइजी छविलाल जोशी, लिला पछाई, रामबहादुर खनाल र कृष्णबहादुर गुरुङ विरुद्ध आइतबार जिल्ला अदालतमा मुद्दा दर्ता गरेको हो।
जिल्ला सरकारी वकिल कार्यालय कास्कीकाअनुसार मुद्दामा रवि लामिछानेलाई सहकारी ठगीमा ३ करोड ३७ लाख रुपैयाँ बिगो कायम गरिएको छ ।
सहकारीको रकम गोर्खा मिडियामा आउनुमा सङ्गठित रुपमा जिबी राईसँग मिलेर काम गरेको भन्दै रविसहितका प्रतिवादी विरुद्ध सङ्गठित अपराध गरेको आरोप लगाइएको छ । सङ्गठित अपराध गरेर सम्पत्ति शुद्धिकरण गरिएको भन्दै लामिछानेको हकमा २७ करोड ८९ लाख ४४ हजार ७०५ रुपैयाँ नै बिगो कायम गरिएको छ ।
रवि लामिछाने र उनको श्रीमती निकिता पौडेलको खातामा जम्मा भएको र निकालिएको हालसम्मको कुल रकमको श्रोत नभेटिएको आरोप पत्रमा उल्लेख छ ।
आरोप पत्रमा लामिछानेको काभ्रेमा रहेको २०५३ सालमा अशँबन्डा भएको सम्पत्ति र निकिता पौडेलको बुढानिलकण्ठमा रहेको ५ आना जग्गा जफत गर्न मागदाबी गरिएको छ ।
सम्पत्ति जफत प्रयोजनका लागि निकिता पौडेललाई पनि मुद्दामा देवानी प्रतिवादी बनाइएको छ। रवि लामिछानेलाई सहकारी ऐन २०७४ का दफा १२२ को (छ) (ढ), (त) र दफा १२४ (३) विपरीतको कसुर गरेको दाबी गरिएको छ । सहकारी ठगको कसुरमा रविमाथि ऐनको दफा १२४ को उपदफा १ को खण्ड (घ) (४) र (ङ) बमोजिमको सजाय माग दावी गरिएको छ ।
यस्तै, सङ्गठित अपराध कसुरतर्फ लामिछानेमाथि सङ्गठित अपराध निवारण ऐन २०७० को दफा ३ (१) (२) (३ क) र (५) आर्कषित हुने दाबी लिइएको छ । यो आरोपतर्फ लामिछानेलाई दफा ९ (क) र (ग) बमोजिमको सजाय माग दाबी गरिएको छ ।
यस्तै, सम्पत्ति शुद्धिकरण अन्तर्गत सम्पत्ति शुद्धिकरण (मनी लाउण्डरीङ निवारण) ऐन २०६४ को दफा ३ को उपदफा (१) को (क) (ख) र (ग) को कसुर गरिएको भनिएको आरोप पत्रमा उल्लेख छ।
-अध्यवधिक हुँदै गरेको समाचार
-
Dammar Rawal 9 hours agoनिर्दोष नफसोस् दोषी नउम्कियोस्
-
Devchandra bhandari 9 hours ago
-
Amar Giri 7 hours agoराजनीतिक प्रतिशोध हो
-
Bir singh Sunar 7 hours agoयो सबै राजनीतिक खेल हो ! दोषी हरु संसद भवनमा थपडी मार्दै भ्रष्टचारीको समर्थन गर्दै बस्दा कानुन नहुने जसले गल्ति गरेको उसलाई समात्न नसक्ने काम चलाउ सरकार ... कहिले सम्म फोहरी राजनीतिक गरछौ ! कांग्रेस एमाले का पात्रहरु
