काठमाडौँ । जनता समाजवादी पार्टी, नेपालका अध्यक्ष उपेन्द्र यादवले आफ्नो पार्टी फुटाएर गैह्रकानुनी तरिकाबाट नयाँ पार्टी दर्ता भएको आरोप लगाएका छन् ।
बुधबार पार्टी कार्यालय बालकुमारीमा पत्रकार सम्मेलन गर्दै यादवले रातारात पार्टी फुटाएर निर्वाचन आयोगमा केही नेताहरु गएको र आयोगले पनि निर्वाचन र राजनीतिक दलसम्बन्धि ऐन विपरित असंवैधानिक तरिकाबाट रातारात नयाँ दल दर्ताको घोषणा गरेको आरोप लगाएका हुन् । उनले पार्टीबिभाजनको कुनै औचित्य नभएको र अदालतबाट चूनौति दिने स्पष्ट पारे । उनले आफु विदेशमा सम्मेलनमा गएको मौका छोपेर जसपा, एकीकृत समाजवादी र कांग्रेससँग मिलेर सरकार ढाल्ने भयो भनेर हल्ला फैलाएको र त्यसमा कुनै आधार नै नभएको बताए । यादवले पार्टी फुटेपनि वर्तमान सरकारलाई दिएको समर्थन निरन्तर रहने जानकारी दिए ।
उनले आफुहरुको कारणले राजनीतिक अस्थिरता नआउने भन्दै पार्टी र संसदीय दलमा आफुहरुकै बहुमत रहेको दावी गरे । उनले संघीयता, पहिचान र मधेशको मुद्दामा निरन्तर लडिरहने र जस्तोसुकै परिस्थीतिको सामना गर्ने जिकिर गरे ।
