बारा । बाराको निजगढस्थित वर्कसपमा ग्यास सिलिण्डर विस्फोट हुँदा एक जनाको मृत्यु भएको छ भने ५ जना घइते भएका छन् । मृत्यु हुनेमा निजगढ–५ का अन्दाजी ४५ वर्षीया रेशम मगर रहेको जिल्ला प्रहरी कार्यालय, बाराले जनाएको छ ।
त्यस्तै घाइते हुनेमा बाराका सूर्यबहादुर थापा, पर्साका फिरोद देवान, रितु रजत तथा भारतीय नागरिक राकेश जयसवाल र अरविन शाह रहेका छन् । उनीहरुको वीरगंजस्थित वयोधा अस्पतालमा उपचार भइरहेको छ । मृतक रेशम मगरको वयोधा अस्पतालमै उपचारको क्रममा मृत्यु भएको हो ।
सोमबार दिउँसो कामदारहरुले काम गरिरहेकै बेला ग्याँस सिलिन्डर विस्फोट भएको थियो ।
फाल्गुन १४, २०८० ०४:५१ मा प्रकाशित
