काठमाडौँ । सोमबारदेखि सम्पर्कविहीन रहेकी धनगढी उपमहानगरपालिकाका मेयर गोपाल हमालकी छोरी आरती हमाल सम्पर्कमा आएको मेयर हमालले जनाएका छन् ।
हमालका अनुसार उनीहरू भारतको गोवामा छिन् । उनको स्वास्थ्य अवस्था भने कमजोर भएको छ । अहिले आरती, हमालकी कान्छी छोरी आर्जु र ज्वाइँसँगै रहेका छन् ।
आरती मेयर हमालकी जेठी छोरी हुन् । उनी ओशो साधक हुन् । ओशो ध्यान गर्न उनी केही महिनादेखि गोवामा बस्दै आएकी थिइन् ।
सोमबारदेखि सम्पर्कमा नआएपछि मेयर हमालले खोजी कार्यको लागि सार्वजनिक अपिल गरेका थिए । छोरी सम्पर्कमा आएपछि खोजी कार्यकालागि सहयोग गर्ने सबैलाई मेयर हमालले धन्यवाद दिएका छन् ।
चैत्र १४, २०८० १०:५१ मा प्रकाशित
