संयुक्त राष्ट्र संघका महासचिव एन्टोनियो गुटेरेसको सुरक्षाका लागि अन्नपूर्ण बेसक्याम्पमा खटिएका प्रहरी सहायक निरीक्षक टिकाराम ढुंगानाको मृत्यु भएको छ । ढुंगानाको लेक लागेर मृत्यु भएको बताइएको छ ।
पर्वत घर भएका ढुंगाना घान्द्रुकमा कार्यरत थिए । गुटेरेसको सुरक्षाका लागि सहायक निरीक्षक ढुंगाना कात्तिक १२ गते लिकप्टरमा अन्नपूर्ण आधार शिविर पुगेका थिए ।
गुटेरेस हेलिकप्टरमै फर्किए । तर ढुंगाना भने हिँडेर फर्कदै थिए । आज बिहान स्वासप्रश्वासमा समस्या आएपछि उनी बास बसेको स्थान हिमालयबाट हेलिकप्टरमा पोखरा ल्याइएको थियो । तर अस्पतालले उनलाई मृत घोषणा गरेको जिल्ला प्रहरी कार्यालय कास्कीले जनाएको छ ।
गुटेरेस हेलिकप्टरमा फर्किएपछि ढुंगाना, गाउँपालिका अध्यक्ष विष्णु केसीलगायत हिँडेर फर्किँदै थिए । हिमालय भन्ने ठाउँमा गएराति बास बसेका ढुंगानालाई बिहान श्वासप्रस्वासमा समस्या भएपछि हेलिकप्टरमा पोखरामा ल्याइएको थियो ।
