काठमाडाैँ : जनता समाजवादी पार्टी (जसपा) ले २०७९ मा भएको प्रदेश सभा निर्वाचनमा हार व्योहोरेकी रौतहटकी पूजा चौधरीलाई राष्ट्रिय सभा उम्मेदवार बनाउने निर्णय गरेको छ।
२०७९ मा भएको आम निर्वाचनमा रौतहट क्षेत्र नम्बर ३ को प्रदेश सभा क्षेत्र (१) मा स्वतन्त्र उम्मेदवार केशव रायसँग पराजित भएकी उनलाई पार्टीले राष्ट्रिय सभामा उम्मेदवार बनाउने निर्णय गरेको हो ।
आइतबार बसेको पार्टीको केन्द्रीय कार्यकारिणी समितिको बैठकले चौधरीलाई राष्ट्रिय सभा सदस्य उम्मेदवार बनाउने निर्णय गरेको हो ।
सत्ता गठबन्धनसँग मिलेर एक सिट भाग पाएको जसपालाई मधेसको महिला क्लस्टर परेको थियो। सोहीअनुरुप उसले आगामी माघ ११ मा हुने राष्ट्रिय सभा चुनावका लागि चौधरीलाई उम्मेदवार बनाएको हो ।
पुस २२, २०८० ०५:११ मा प्रकाशित
