कास्की । पोखराको सूर्यदर्शन बचत तथा ऋण सहकारीको रकम हिनामिना गरेको आरोपमा थप दुई जना कारागार चलान भएका छन् ।
सहकारीका सञ्चालक मध्य भविश्वर अर्याल र पूर्वसञ्चालक शिवबहादुर गुरूङ ‘महेन्द्र भोटे’लाई कास्की जिल्ला अदालतले थुनामा पठाउने आदेश दिएको हो ।
अदालतको आदेशसँगै उनीहरुलाई आजै कारागार चलान गरिएको कास्की प्रहरीले जनाएको छ । कारागार चलान भएका गुरूङ नेकपा एमालेनिकट युवा संघ नेपालका केन्द्रीय उपमहासचिव हुन्।
सहकारीका अध्यक्ष गितेन्द्रबाबु राई (जिबी) सहित १९ जनाविरूद्ध भदौ २५ गते पक्राउ पुर्जी जारी गरेको थियो । यसअघि सहकारीका उपाध्यक्ष कैलाशकुमार दर्लामी र कोषाध्यक्ष कुमार रम्तेल पक्राउ परिसकेका छन् भने अन्य फरार रहेका छन् ।
पुस १८, २०८० ०६:१९ मा प्रकाशित
