बारामा अज्ञात समूहको गोली लागेर घाइते भएका विद्यालय सञ्चालक एवं प्रधानाध्यापक गुड्डु भनिने रुपेश सराफको मृत्यु भएको छ ।
सोमबार दिउँसो उनीमाथि गोली प्रहार भएको थियो । कलैयाको बाल एकता बोर्डिङ स्कुल नजिकै मदर्सा टोलमा सराफमाथि गोली प्रहार भएको प्रहरीको भनाइ छ।
गोली लागेर घाइते भएका उनलाई उपचारका लागि लएस न्यूरो अस्पतालपश्चात वीरगन्जस्थित वयोधा अस्पतालमा पुर्याइएको थियो । उपचारकै क्रममा उनको निधन भएको हो ।
उनको छाती र घाँटीमा २ राउण्ड गोली प्रहार भएको प्रहरीले जनाएको छ।
घटनास्थलमा प्रहरी पुगेको र गोली प्रहार गर्ने अज्ञात समूहको खोजी भइरहेको बारा प्रहरी प्रमुख सुरेश काफ्लेले बताए।
कार्तिक १३, २०८० ०७:५९ मा प्रकाशित
