काठमाडाैँ । नेपाली कांग्रेसका महामन्त्री नक्कली भुटानी शरणार्थी प्रकरणमा यो सरकारले अनुसन्धान गर्नुपर्ने बताएका छन् । मंगलबार प्रतिनिधिसभाको बैठकमा बोल्दै सांसद थापाले यो सरकार आफूमाथिका भ्रष्टाचारका काण्ड लुकाउन आएको आरोप लागिरहेको भन्दै उनले नक्कली भुटानी शरणार्थी प्रकरणमा यसअघिको सरकारले अनुसन्धान जहाँ पुर्र्याएको छ त्यहिँबाट अनुसन्धान हुनुपर्ने बताएका छन् ।
‘सरकार भनेको त निरन्तरता हुन्छ नि, योभन्दा अघिल्लो सरकारले भुटानी शरणार्थीको विषयको अनुसन्धान जहाँ टुङ्ग्याएको छ, यो सरकारले प्रष्टसँग भन्नुपर्छ, यति अनुसन्धान भइरहेको छ, यतिलाई अभियोजन भएको छ, यति थप अनुसन्धान हुन्छ । अदालतमा यो विषय विचाराधिन छ, यो विषयमा निर्दोष एउटा पनि छुट्दैन, दोषी एउटा पनि उम्कँदैन । यो विषयमा कहीँ तलमाथि हुँदैन भन्ने कुरा यो सरकारले आफ्नो व्यवहारबाट आस्वस्थ पार्नुपर्छ ।’, महामन्त्री थापाले भने ।
