हेटौँडा : हेटौँडामा मोटरसाइकलको ठक्करबाट प्रहरी जवानको मृत्यु भएको छ। मकवानपुरको हेटौँडा उपमहानगरपालिका–११, थानाभर्याङमा बुधबार बिहान पीटी दौडिँदै गरेका प्रहरी जवान विनोद एडीलाई मोटरसाइकलले ठक्कर दिँदा उनको मृत्यु भएको हो ।
बजारतर्फबाट नवलपुरतर्फ जाँदै गरेको ना ४३ प २२२ नम्बरको मोटरसाइकलले ठक्कर दिँदा उनीसहित ४ जना घाइते भएका थिए । घाइतेलाई उद्धार गरी पुर्याइएको थियो । अस्पताल पुर्याउनासाथ चिकित्सकले उनलाई मृतक घोषणा गरेका हुन् । दुर्घटनामा घाइते अन्य तीन जना उपचाररत छन् ।
त्यस्तै दुर्घटनामा मोटरसाइकल चालक ४१ वर्षीय लक्ष्मण लामासमेत घाइते भएका छन् । उनको टाउकोमा चोट लागेका कारण हेटौँडा अस्पतालले थप उपचारका लागि नयाँ मेडिकल कलेज चितवन पठाएको छ ।
प्रहरीका अनुसार लामाले तिव्र गतिमा मोटरसाइकल चलाएका कारण अनियन्त्रित भएर दुर्घटना भएको हो ।
पुस १८, २०८० ११:०० मा प्रकाशित
