काठमाडाैँ । प्रमुख प्रतिपक्षी दल नेपाली कांग्रेसले सहकारी रकम हिनामिना प्रकरणको छानबिन गर्न संसदीय छानबिन समिति बनाउने सत्ता र प्रतिपक्षी दलबीच भएको सहमतिलाई अनुमोदन गरेको छ। मंगलबार बसेको पार्टी संसदीय दलको बैठकले सोमबारको सहमतिलाई अनुमोदन गरेको हो ।
बैठकपछि बोल्दै कांग्रेस प्रमुख सचेतक रमेश लेखकले कसैको नाम र पद भन्दा सहकारीको रकम हिनामिनाको विषयलाई वृहतरुपमा अनुसन्धान गर्न सहमति भएको बताए छन् । ‘यसमा कसैको नाम वा पद लेखिहाल्ने भन्दा सहकारीको रकम जहाँजहाँ गएको छ, कानुनी गैरकानुनी रुपले गएको हेर्ने, त्यसमा संलग्न मानिस जो सुकै होस्, उसका बारेमा छलफल हुनसक्ने, छानबिन हुनसक्ने, अनुसन्धान हुन सक्ने भन्ने विषयमा छलफल भइरहेको छ ।’
सहमतिसँगै नेपाली कांग्रेसले संसद्मा गर्दै आएको अवरोध हटाउने भएको छ। लेखकले मंगलबार नै कार्यदलको बैठक बसेर टीओआरलाई अन्तिम रूप दिने र ४ बजे बस्ने प्रतिनिधिसभाको बैठकबाट कार्यादेश पारित हुनेगरी प्रस्तुत गरिने बताएका छन् ।
