काठमाडाैँ । नेपाली नागरिकले भारतमा रहँदा भारतिय सिम सहजै पाउने भएका छन् । यसअघि पासपोर्टमा भिसाको स्ट्याम्प लागेको आधारमा सिमकार्ड पाउँदै आएका नेपालीले अब भने देशले उपलब्ध गराएको सक्कली परिचयपत्रका आधारमा सिमकार्ड पाउने भएका हुन् ।
भारतको संचार मन्त्रालयले सोमबार एक सुचना जारी गर्दै नेपाली र भुटानी नागरिकलाई सहज रुपमा सिम उपलब्ध हुने जानकारी गराएको हो । जसका लागि भारतले कानुन नै संशोधन गरेको छ ।
भारतले उक्त कानुन संसोधन गरेसँगै अब नेपाली नागरिकले भारतिय सिम कार्ड पाउन आफ्नो नागरिकता, पासपोर्ट, मतदाता परिचयपत्र तथा सम्बन्धित देशमा रहेको दूतावासले उपलब्ध गराएको फोटो सहितको परिचयपत्रमध्ये कुनै एउटा कागजात उपलब्ध गराए पुग्ने भएको छ । उनीहरुले उक्त काजगात पेश गरि लिएको सिमकार्ड तीन महिनाका लागि सक्रिय हुने बताइएको छ । तत्पश्चात उक्त सिमको नवीकरण गर्नुपर्ने छ ।
त्यस्तै भारतले उक्त सिम अन्य सिमजस्तै आफ्नो भुभागबाट बाहिर गएपछि नचल्ने बताएको छ ।
