काठमाडाैँ । मोबाइल डिभाइस म्यानेजमेन्ट सिस्टम (एमडिएमएस) खरिदमा अनियमितता गरेको अभियोगमा नेपाल दूरसञ्चार प्राधिकरण २० कर्मचारीविरुद्ध भ्रष्टाचारको मुद्दा दायर भएको छ । अख्तियार दुरुपयोग अनुसन्धान आयोगले प्राधिकरणका दुईजना पूर्वअध्यक्ष, एकजना पूर्ववरिष्ठ निर्देशक, तीनजना बहालवाला निर्देशकहरू सहित २० जनाविरुद्ध मुद्दा दायर गरेको हो ।
अख्तियारले प्राधिकरणका पूर्व अध्यक्ष दिगम्बर झा, पुरुषोतम खनाल, पूर्व वरिष्ठ निर्देशक आनन्दराज खनाल, दिपेश आचार्य, सुरेन्द्र हाडा, सुरेश बस्नेत, रेवतीराम पन्थ, संदिप अधिकारी, कविन्द्रराज मल्ल सहित २० जनाविरुद्ध मुद्दा दायर गरेको हो ।
उनीहरूविरूद्ध ९१ करोड ९८ लाख ३० हजार ८८२ रुपैयाँ बिगो दाबी गरिएको छ ।
चैत्र १५, २०८० ०४:४८ मा प्रकाशित
