काठमाडाैँ : राष्ट्रिय स्वतन्त्र पार्टी (रास्वपा)ले रुसी सेनामा भर्ना भएका नेपालीको यकिन विवरण पत्ता लगाइ उनीहरूलाई यथासिघ्र नेपाल फर्काउन सरकारको ध्यानाकर्षण गराएको छ ।
पार्टीका अन्तर्राष्ट्रिय सम्बन्ध विभाग प्रमुख तथा सांसद शिशिर खनाल, प्रमुख सचेतक सन्तोष परियार, सचेतक निशा डाँगी र सांसद अशोककुमार चौधरीले शुक्रबार परराष्ट्रमन्त्री एनपी साउदलाई भेटेर ध्यानाकर्षण पत्र बुझाएका हुन् । उनीहरुले रुसी सेनामा भर्ना भएका कारण युक्रेनले बन्धक बनाइएकाहरुको सकुशल रिहा गर्न पनि माग गरेको छ ।
त्यस्तै रास्वपा टोलीले प्यालेस्टाइनी विद्रोही समूह (हमास)को नियन्त्रणमा रहेका कञ्चनपुरका विपिन जोशीको तत्काल मुक्तिका लागि सम्भव भएसम्मका सबै कुटनीतिक पहल गर्न परराष्ट्रमन्त्री साउदको ध्यानाकर्षण समेत गराएका छन् ।
मंसिर २२, २०८० ०७:३२ मा प्रकाशित
