बारा । महागढीमाई नगरपालिका का नगर प्रमुख उपेन्द्र प्रसाद यादवले आफ्नो घरको विद्युत् महसुल नतिरेको भन्दै लाइन काट्न गएका प्राधिकरणका कर्मचारीलाई नगर प्रहरी लगाएर थुनेका छन् ।
नगर प्रमुख यादवको घरको लाईन काटेपछि बिधुत प्राधिकरण कलैया शाखाका पाँच जना कर्मचारीहरुलाई नगर प्रहरीले नगरपालिकामा थुनेका हुन् ।
प्राधिकरणका सहायक लेखापाल सुनिल राय, इलेक्ट्रीशियन हृदय नारायण महतो, चालक अमितचन महतो, कार्यालय सहयोगी सन्दिप सरार्फ र मिटर रिडर देवी नारायण यादवलाई नगरपालिकामा थुनेको नगरपालिका स्रोतले जनाएको छ ।
नगर प्रमुख यादवको घरमा जडान भएको विद्युतीय मिटरको २ लाख ९२ हजार रुपैयाँ शुल्क बाँकी रहेकोले घरको लाईन काटिएको प्राधिकरणका कर्मचारीले बताएका छन् ।
पच्छिल्लो समय प्राधिकरण विद्युत बक्यौता बाँकि रहेको ग्राहकको लाइन काट्दै आएको छ ।
पुस २९, २०८१ ०६:३३ मा प्रकाशित
